Charter Document - 02173549

Ego Petrus Dei gratia Albanensis Episcopus et Cardinalis Romane Ecclesie Quod in his partibus Burgundie preceptis et informatione Domni mei VII Gregorii Pape anno inthronizationis ejus VII egi ad posteritatis memoriam scripto et annotatione transmittendum ratum duximus Hugo Cluniacensis Abbas propter infestationes que inferebantur ab Episcopis Lugdunensi et Matiscensi Gebuino videlicet et Landrico suo principali loco et cellis et adjacentiis misit Domnum Hugonem Priorem ipsius Cluniaci ad limina Beatorum Petri et Pauli et ad viscera paterne pietatis Domni mei supradicti beatissimi Gregorii Pape qui tandem post multiplicem diversorum verborum trutinatio nem tanti loci calamitati et inquietudini compassus me tantillum ad illas dirimendas ac determinandas delegavit Quique veniens post multos labores et sudores in jam dictum locum in die Purificationis beate Marie tam in Capella ejusdem gloriose Virginis quam in Monasterio sermone per orato authoritatem Pontificum Romanorum per privilegia huic loco attributam publice corroborans manifestavi Capellas et Capellanos quos contra eadem Romana privilegia Matiscensis Episcopus excommunicaverat absolvi et si deinceps aliqua presumptione excommunicaverit [cum facere nullo modo possit] ne quisquam id observet vel inde curet omnes astantes commonefeci Insuper ut nulla persona cujusque dignitatis vel potestatis rapinas predas sive aliquas infestationes loco isti habitatoribus atque confugientibus infra terminos subnotatos inferre presumat Apostolica mihi authoritate concessa tali modo statui et determinavi Ego Petrus Dei gratia Albanensis Episcopus et Legatus Apostolice sedis interdico ex parte omnipotentis Dei et B Petri Apostolorum Principis necnon etiam ex parte Domni mei Gregorii Pape ut nullus omnino homo cujuslibet potentie vel dignitatis huic Cluniacensi loco infra terminos inferius adnotatos homicidia Predas sive rapinas vel aliquas invasiones facere presumat Hi sunt autem termini a rivo de Salnai et ab Ecclesia Rufiacensis ville et cruce de Lornaut a termino quoque Molini de Tornesac per villam que dicitur Varenna a termino etiam qui dirigitur per [] ad rivum de Salnat Si quis autem hujus nostri Interdicti seu interminationis inventus fuerit violator sive in fractor ab hodierna die et deinceps noverit se vinculo anathematis inno dandum quousque digna satisfactione peniteat Ammoneo etiam omnes milites qui in his proximis nobis castellis habitant videlicet Branciduno Berziaco Buxeria Seduno Sergiaco Vxella et Oscella ut ruricolis nostris seu rusticis qui in circumjacentibus huic loco habitant villis nullam lesionem vel torturam inferre presumant malas quoque consuetudines quas hactenus ab eis requisierunt sive de conducto sive de substantia eorum ulterius ab eis non repetant neque inde eos aliquo modo vel apprehendere aut ledere presumant Sed et his qui necdum has malas consuetudines requisierunt ne imposterum eas requirant interdicimus ex parte Dei et contradicimus precipue vero milites qui in hac Cluniacensi villa habitant hoc cavere monemus ne hujus mali concitatores fiant quia quanto vicinius commanent tanto eos oportet a servorum Dei injuriis abstinere Quod si quispiam hujus precepti tenorem infregerit supradicte excommunicationis ultione feriatur donec digna satisfactione peniteat Hoc peracto colloquium cum Episcopis propter quorum molestationem missus fueram anno sequenti apud S Bernardum habendum statui in quo tante discordie malum secundum informationem quam a Domno meo Gregorio Papa acceperam determinare valerem adjutorio omnipotentis Dei Tandem post festum Beate Agathe VIII id Februar Illucescente Franc V anno ab Incarnat Domini MLXXVIII Indict II ad supradictum locum venientes presentibus Domno Warmundo Viennensi Archiepiscopo et Domno Hugone Cluniacensi Abbate et Domno Aganone Eduensi Episcopo et aliquibus Abbatibus cum aliquibus prudentibus viris plurimis convenimus Domnum Landricum Matiscensem Episcopum si vellet acquiescere et subdi preceptis Apostolicis ac nostre parvitati qui vice Apostolica fungebamur Qui cum libenter se velle acquiescere respondisset Domnus Archiepiscopus Viennensis querimoniam tam suam quam Cluniacensis Monasterij his verbis fecit Dudum Domne Cardinalis et Legate Apostolice sedis rediens Roma precepto Domni Gregorii Pape veni Cluniacum nonnulla ex parte ipsius Domno Abbati intimat urus Tum quia tempus opportunum instabat faciendis sacris ordinibus jussus et rogatus a Domno Abbate et fratribus aliquos fratrum secundum authoritatem privilegiorum Pontificum Romanorum ab olim ipsi loco datam ordinavi His peractis dum redirem Matiscenses Canonici insidiis mihi paratis derepente fulti armata manu et pedestri super me ac nostra irruerunt baculum pastoralem cum propria tunica et sagmario tulerunt servientes nobis cedentes valde dehonestaverunt lanceam gutturi proprio admoventes ne vivat violator et add iterator sponse S Vicentii clamabant et cum magno dedecore ad Cluniacum vellem nollem reversus sum Inde a Domno Matiscensi qui tunc aberat justitiam per litteras quesivi sed hucusque minime impetravi que a vobis qui estis Apostolice sedis Legatus mihi et Domnis Cluniacensibus supplico fiat Post hec lecto beatissimi Pape Gregorii VII privilegio eundem Matiscensem anathematis jaculo perfossum comperimus quoniam contra Romanorum decreta Pontificum et precipue Domni Gregorii fecisse didicimus Tunc eundem interrogavimus utrum priusquam Capellas et Capellanos Cluniacenses excommunicasset hoc in privilegio sibi interdictum fuisse cognovisset Ille vero cum se privilegium minime legisse fateretur Domnus Abbas Cluniacensis respondit Nonne ego dixi vobis vos privilegiorum authoritati obviare si vel Capellas vel Capellanos nostri Monasterij inter diceretis Tandem cum nonnulla negaret et plurima negare nequiret dixi ei ut aut culpam suam inde faceret aut cum digna satisfactione se purgaret Qui super hoc diu multumque conventus cum neutrum facere vellet obstinatione sua exigente a Pontificali et Sacerdotali officio usque ante presentiam Domni nostri Gregorii Pape cujus authoritatem spernebat eum suspendimus Tunc supradicti Matiscenses Canonici audita sui Pontificis suspensione ultra modum efferati addentes pejora Prioribus convitia multa in nos intorserunt cum minis Postea dehonestat ores Domni Archiepiscopi clericos et laicos ab introitu omnium Ecclesiarum et a corpore et et sanguine Domini Jesu Christi donec peniteant et condigne satisfaciant separavimus et quoscumque injuste Episcopus excommunicaverat secundum datam formam nobis absolvimus Ad ultimum Lugdunensem allocuti sumus ut sicut sapiens obediret preceptis Apostolicis et authoritati qua nos informaverat Domnus noster Gregorius Papa Qui cum sepe invitatus et ammonitus nequaquam vellet obedire ejus faciente inobedientia subnotatam secundum quod nobis erat preceptum protulimus promulgationem Quoniam frater noster Geboinus Lugdunensis Archiepiscopus nec fraterne charitatis consilio nec equitatis rationi nec Apostolicis Domni nostri beatissimi Pape Gregorii cujus vice indigni fungimur decretis et preceptis vult acquiescere et obedire ut Ecclesias Cluniacensis cenobii quas injuste excommunicasse videtur secundum tenorem imposite nobis legationis velit absolvere illas videlicet quas ante cognitum predicti Domni nostri Gregorii Pape decretum sive per Apostolicorum concessionem privilegiorum sive aliter acquisisse et tenuisse probatur Ideo nos necessitate coacti authoritate beatorum Petri et Pauli sicut nobis injunctum est supradictas Ecclesias absolvimus Si vero idem Archiepiscopus ira commotus easdem Ecclesias sive Capellanos eorum injuste interdicere presumpserit talem interdictionem et excommunicationem irritam esse decernimus Poliacum autem quia sine canonico judicio violenter ejectis Monachis a Cluniacensi Monasterio per injustam expoliationem ablatum et abstractum est Apostolice equitatis concessione Cluniacensi Cenobio reddimus et ut libere possideat omnino precipimus Sanctimonialibus que predictum Poliacum invaserunt ex parte Beatorum Apostolorum Petri et Pauli precipimus ut usque ad primam Dominicam proxime quadragesime eundem locum dimittant eumque Monachis quos ejecerunt ex integro restituant Quod si facere noluerint ab introitu Ecclesie corporis Dominici et sanguinis post predictum terminum eas omnino separamus et ne in eadem Poliaci Ecclesia quamdiu ipse sanctimoniales ibidem remanere presumpserint divinum officium celebretur Apostolica interdictione prohibemus Si quis autem clericorum aut laicorum predictas sanctimoniales contra indictum nostrum ad obtinendum eundem locum aliquo malo ingenio vel violentia adjuvare ac defendere ausus fuerit sciat se ab omnium Ecclesiarum introitu et a communione corporis et sanguinis Domini esse separatum donec resipiscat