Charter Document - 02173542
| Charter Number: | 02173542 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1079 |
| Date type: | Internal, A.D. |
| Resource Link(s): |
TELMA - Traitement électronique des manuscrits et des archives CCE: cartae cluniacenses electronicae |
Charter:
Notum sit omnibus fidelibus tam futuris quam presentibus quod ego Wigo Dei indultu oppidi Albionis comes capellam de Muracio et ecclesiam Sancti Prejecti que sita est in Cumbis omniaque ad illas intus vel foris pertinentia [cum] vineis terris pratis aquis et silvis culta et inculta que huc usque jure hereditario posidere videor beatorum apostolorum Petri et Pauli ecclesie Cluniacensi ad locum Mantue cui domnus abba Ugo non tam preesse quam prodesse videtur pro remedio anime mee parentumque meorum in posterum habendum concedo et in potestatem ipsius predicti Ugonis abbatis transfundo Si quis autem huic mee oblationi in aliquo contradixerit eterni regis iram incurrat et in igne diabolo et angelis ejus preparato sine fine ardeat Facio autem hoc astipulacione et auctoramento fratris mei Guigonis cognomento Raimundi Richardi Armannique qui per me tenere videbantur parentumque eorum et ali[or]um legalium virorum meorum quorum hec sunt nomina Gosfredus de Murencio Artaldus de Roscilione Bermundus de Orel Atenus de Toli Eitur de Cassanalio Antelmus de Muracio Elisiardus Garnerius Anno ab incarnacione Domini nostri Jesu Christi millesimo septuagessimo nono indictione II