Charter Document - 02173524
| Charter Number: | 02173524 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1078 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
Cum omnia orta occidant auctaque senescant temporalia quoque more fluentis aque retrorsum non ultra undam dilapsam retorquentis celeri lapsu inreparabiliter decurrant preclaraque facies honor mundane glorie maximeque divitie instabiles preter hoc vis corporis alia quoque hujusmodi similia brevi tempore dilabi in dies videntur opere precium est animam aut eterna exercitatione virtutum aut contagione peccatorum infectam munificentia elemosinarum Deo reddere preclaram terrena pro celestibus commutare temporalia pro eternis peritura pro magnis dare sua Christi pauperibus pro desiderio vite eterne factis relinquere deserendo quatinus eorum precibus regna celorum cum eis possidere mereatur Hujus itaque gratia capessende societatis ego Rainerius miles de Iggiaco dono Deo omnipotenti et sanctis apostolis ejus Petro et Paulo Cluniensique monasterio aliquid de mea hereditate que mihi a parentibus jure successionis obvenit unum scilicet campum qui est situs et terminatur juxta terram Sancti Petri Et preter hunc pratum quoddam juxta rivum Lansciolatam nomine situm dono post mortem meam prefato loco pro anime mee et parentum meorum remedio et ut [memoria] mea in ipso monasterio inter reliqua fidelium nomina semper habeatur Est autem ipsa terra in episcopatu Matisconensi Si quis vero [quod absit] in posterum contradicere vel falsare voluerit iram primitus Dei omnipotentis et beatorum apostolorum incurrat et nisi cito resipuerit eterne damnationis sententia feriatur S Humberti filii ejusdem Rainerii S Ottonis fratris ejus S Hugonis Rebuti S Bernardi S Hugonis Facta est autem hec donatio anno ab incarnatione Domini millesimo LXXVIII indictione I regnante Philippo rege Francorum