Charter Document - 02173506
| Charter Number: | 02173506 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1077 |
| Date type: | Internal, A.D., Calendar, Papal |
| Resource Link(s): |
TELMA - Traitement électronique des manuscrits et des archives CCE: cartae cluniacenses electronicae |
Charter:
Divina pietas et misericordia multiplex ad consulendum mortalibus dans formam edificandi eterna et mansura de bonis temporalibus Facite inquit vobis amicos de Mammona iniquitatis ut cum defeceritis recipiant vos in eterna tabernacula Quapropter ego Willelmus dux Aquitanorum et comes Pictavorum hec attendens et Scripture dicentis Divitie viri redemptio anime illius recolens ob enormitatem meorum facinorum deliberavi et statui Pictavis in alodio meo construere monasterium ad servicium et honorem Domini Dei omnipotentis et beate Marie semper virginis et beati Johannis evangeliste sanctique Andree atque apostolorum Symonis et Jude omniumque sanctorum quatinus isti eorumdem meorum facinorum et patris ac matris necnon cuncte mee parentele interventores et precatores existant ut quod nostris non valemus meritis eorum assequamur patrociniis quodque ut stabilius et firmius per succedentia tempora maneat sub ordinatione et gubernatione domni Hugonis Cluniacensis abbatis cunctorumque sui successorum pono ac trado et dominio eorum per omnia subicio Statuo autem ipsum monasterium liberum et francum et fundum in quo sedet et trado ei villam ultra aquam sibi contiguam et stagnum sive piscariam cum molendinis et villam Agriciacum et burgum Sancti Saturnini cum tampnatoribus et villam Jamnuas et revestituram de Mostariolo sicut determinata est et revestituram de Ussello sicut determinata est et revestituram de Bouet sicut determinata est et villam de Bennaco sicut eam habeo cum casamentis militum et quartam partem de Olorun excepta turre et castro Trado etiam ei Artigiastrimers Concedo etiam laudo et auctorizo quicquid mei milites vel homines in honore vel de honore meo dederint predicto loco sive monasterio Si quis vero regum comitum episcoporum sacerdotum clericorum judicum ac secularium personarum hanc nostre traditionis et confirmationis cartam quoquo modo calumpniatus fuerit vel perturbaverit nisi penituerit et emendando satisfecerit iram omnipotentis Dei omniumque sanctorum incurrat atque in eterno examine districte ultioni cum Datan et Abiron et Juda traditore Domini subjaceat Cunctis autem eidem loco justa servantibus sit pax Domini nostri Jesu Christi quatinus et hic fructum bone actionis percipiant et apud districtum judicem premia eterne pacis inveniant Facta est quoque hec carta descriptionis sive firmationis V kalendas februarii anno ab incarnatione Domini MLXXVII indictione XV regnante rege Francorum Philippo pontificatum tenente domno Gregorio septimo papa anno autem pontificatus ejus quarto S Wilelmi comitis qui hoc donum fecit S Oddonis abbatis Sancti Johannis S Ugonis de Lisigniaco S Borelli S Girberti de Sancto Johanne