Charter Document - 02173498

Gregorius episcopus servus servorum Dei dilecto in Christo filio Hugoni abbati monasterii sanctorum apostolorum Petri et Pauli constructi in loco qui dicitur Cluniacus suisque successoribus ibidem regulariter promovendis in perpetuum Superne miserationis respectu ad hoc universalis Ecclesie curam suscepimus et apostolici moderaminis sollicitudinem gerimus ut justis precantium votis attenta benignitate faveamus et libramine equitatis omnibus in necessitate positis quantum Deo donante possumus subvenire debeamus precipue tamen de venerabilium locorum stabilitate pro debito honore summe et apostolice sedis cui speciali jure adherent quantum ex divino adjutorio possibilitas datur nobis pensandum et laborandum esse perpendimus Proinde juxta petitionem tuam prefato monasterio cui tu preesse dignosceris cum capellis circumjacentibus videlicet Sancte Marie Sancti Maioli et Sancti Odilonis hujusmodi privilegia presenti auctoritatis nostre decreto indulgemus concedimus atque firmamus statuentes nullum regum vel imperatorum antistitum nullum quemcunque dignitate preditum vel quemquam alium audere de his que eidem venerabili loco a quibuslibet hominibus de proprio jure jam donata sunt vel in futurum Domino miserante collata fuerint sub cujuslibet cause occasionisve specie minuere vel auferre sive suis usibus applicare vel aliis quasi propriis de causis pro sue avaritie excusatione concedere Sed cuncta que ibi oblata sunt vel offerri contigerit tam a te quam ab eis qui in tuo officio locoque successerint perenni tempore illibata et sine inquietudine aliqua volumus possideri eorum quidem usibus pro quorum sustentatione gubernationeque concessa sunt modis omnibus profutura Nominatim etiam confirmantes eidem monasterio Cluniacensi in comitatu Matisconensi cellam in honore sancti Martini et ecclesiam juxta positam in honore sancti Joannis cum omnibus suis appendiciis Cavinias villam cum ecclesia et villam Solestriacum cum ecclesia et Sactiolam cum ecclesia Galliniacum cum ecclesia Rufiacum cum ecclesia Masiliam Bargiserenam villam cum ecclesia Clarmanum cum ecclesia Curtirias villam Paronam cum ecclesia Arpogiacum cum ecclesia Darboniacum cum ecclesia Betorniacum cum ecclesia et ecclesiam Sancte Columbe Verreriam et Berguliensem villas ecclesiam Sancti Laurentii Castrum Lordonum Blanuscum Costam cum ecclesia Laisiacum cum ecclesia monasterium Charum Locum cum omnibus ad se pertinentibus cellam Regniacum cum omnibus sibi pertinentibus ecclesiam Sancti Victoris cum omnibus sibi pertinentibus cellam quoque Sancti Victoris in monte Algido cum omni sua pertinentia ecclesias etiam et terras que juxta illam sunt pro quibus data est quondam ecclesia Sancti Gengulfi Equirandam curtem cum ecclesia Sancti Andree et cum aliis ecclesiis et appendiciis suis novam villam in Petrogoico castro cum ecclesia omnes quoque ecclesias et terras seu quidquid prefatus locus habet in jam dicto comitatu In comitatu vero Cabilonensi cellam de Bellomonte cum ecclesia Sancte Marie et omnibus ibi pertinentibus ecclesiam de Campiloco cum suis appendiciis curtem vocabulo Juliacum cum ecclesiis et terris eidem loco quondam ab episcopo Manasse collatis Ecclesiam Sancti Gengulfi cum suis pertinentiis cellam sanctorum martyrum Cosme et Damiani et monasterium Sancti Marcelli cum omnibus suis pertinentiis omnes etiam ecclesias et terras et quodcunque supradictus locus comprobatur habere in jam dicto comitatu In episcopatu Augustodunensi monasterium in Aurea Valle quod vocatur Paredum cum omnibus suis pertinentiis monasterium etiam Marciniacum cum omnibus suis cellam de Oiadellis cum suis appendiciis illas etiam terras et ecclesias quas Theodardus clericus contulit jam dicto Cluniacensi monasterio Confirmamus etiam et corroboramus illam convenientiam nostra apostolica auctoritate quam fecit dominus Walterius Augustodunensis Ecclesie episcopus de monasterio Magatro ad suam ecclesiam pertinente cum omnibus ad ipsum pertinentiis Burbonum monasterium cum suis pertinentiis ecclesiam in villa que dicitur Melai et ecclesiam in villa que dicitur Simullai et ecclesiam Sancti Christophori juxta Castrum Caninum et abbatiam Vizeliacensem omnes etiam ecclesias et terras et quodcunque supradictus locus Cluniacus videtur habere in eodem episcopatu In territorio vero Divionensi curtem Giuracum cum omnibus sibi pertinentibus In pago Autissiodorensi monasterium quod dicitur Sancte Marie ad Charitatem cum suis pertinentiis Bonaiacum et monasterium Sancte Dei genitricis in Donziaco castro cum omnibus que in ipso episcopatu habere videtur Cluniacus In comitatu Arvernensi Silviniacum monasterium ubi sancti Maiolus et Odilo requiescunt cum ibidem pertinentibus cellam que vocatur Firmitas cellam que vocatur Scuriolas ecclesiam Sancti Sulpitii in villa que dicitur Langiacus cellulam que vocatur ad Boscum Curtem quem vocant in Fridomonte monasterium quod dicitur Rivis cum curte Lipsiaco et cum suis appendiciis ecclesiam que vocatur ad montes monasterium Celsinianense cum cellis ecclesiis villis terris et cum monasterio ubi requiescit sanctus Florus quod tradidit supradicto loco Eustorgius clericus cum omnibus sibi pertinentibus mansiones in Brivatensi vico monasterium quod dicitur Volta cum suis pertinentiis Rocam fortem cellam Reiliacum cum curte et omnibus ad eam pertinentibus cellam Sancte Marie que vocatur ad Pontem omnes quoque ecclesias et terras et quodcunque videtur Cluniacus possidere in jam dicto comitatu In episcopatu Nivernensi monasterium Sancti Salvatoris quod est intra muros monasterium Sancti Stephani quod est in suburbio ejusdem civitatis cellam Sancti Reveriani cum suis pertinentiis ecclesiam que dicitur Lupertiacus que Fremundus dedit cum suis pertinentiis locum qui dicitur Baiard et obedientia que dicitur Villa In comitatu Pictaviensi villam que dicitur Molgon In episcopatu Sanctonico monasterium de insula que dicitur Aias monasterium Sancti Georgii juxta castrum Didonium monasterium Sancte Marie juxta castrum Berbeziacum abbatiam sancti Joannis que vocatur Ingeriacus abbatiam Malliacensem In abbatia autem Sancti Cypriani que est Pictavis concedimus tibi quod antecessores tui ibi habuerunt In episcopatu Lemovicensi monasterium Sancti Martialis In episcopatu Engolismensi monasterium Sancti Mauritii quod est juxta castrum montis Berolti In episcopatu Parisiensi monasterium de Longoponte In episcopatu Trecassino monasterium Sancte Margarite cum his que ad illud pertinent In episcopatu Suessionensi Conciacum villam quam dedit Theotbaldus comes et uxor ejus Cluniacensi cenobio In episcopatu Petragorico ecclesiam Sancte Marie que dicitur Anessa In episcopatu Cadurcensi abbatiam Sancti Petri de Moysiaco cum omnibus suis appendiciis et monasterium quod dicitur Fiacus et monasterium Caronnacum Tolose monasterium Sancte Marie de Aurate et in eodem episcopatu monasterium quod dicitur Lajad et castrum quod dicitur Lordag et terras quas Rogerius comes dedit Cluniaco in valle Javartensi In pago Agisinensi monasterium quod dicitur Lairacum et alterum quod dicitur Muiracum et alterum quod dicitur Sancta Genevera et monasterium quod dicitur Meediziacum In pago Lecturicensi monasterium Sancti Genu In territorio Ausciensi monasterium Sancti Orientii et ecclesiam que vocatur ad altum montem et monasterium quod dicitur Monasterium Et monasterium Sancti Joannis quod dicitur ad Sanctum Montem cum suis pertinentiis In territorio Bigorritano monasterium Sancti Licerii In territorio Laccurrensi in villa que vocatur Fureas ecclesiam Sancte Fidis Ecclesias etiam villas et terras quascunque Cluniacus in Vasconia possidere comprobatur In episcopatu Hispalensi monasterium Sancti Isidori martyris cum suis appendiciis In episcopatu Vivariensi Misoscum cellam de monte Rompono cellam ad Fontes cellam Rionis In episcopatu Uticenci monasterium Sancti Saturnini cum castro Columcellas et curte Tueleta et omnibus ad se pertinentibus ex utraque parte Rhodani fluminis In episcopatu Nemausensi monasterium Sancti Aegidii In Tricassinensi civitate monasterium sancti Amandi In episcopatu Arausico cellam que dicitur Podiolenus monasterium Sancti Pentaleonis In Agapicensi episcopatu cellam Sancti Andree concessam Cluniaco a Ricaudo clerico Ganagobiense monasterium curtem Valentiolam In Valentinens episcopatu villam que dicitur Ales et Montesium monasterium Sancti Marcelli quod dicitur Salicetum In episcopatu Viennensi monasterium Taherniacum cellam que dicitur Causella villam Bracost villam que dicitur Insula cellam in castro Candiaco In episcopatu Lugdunensi monasterium quod dicitur de Amberta cellam Talusiacum cellam Poliacum cellam Artedunum cellam Saviniacum curtem Ambariacum ecclesiam Sancti Andioli ecclesiam que vocatur Ad oratorium curtem de Romanis cellam Cavariacum ecclesiam in castro Gosan Omnes quoque villas et terras quas Wichardus moriens Cluniaco contulit In Gratianopolitano episcopatu cellam que vocatur Borget monasterium quod vocatur Domena In episcopatu Vesontiensi cellam que vocatur Portus In episcopatu Tullensi cellam que vocatur Ramengas In Lausannensi episcopatu monasterium quod dicitur Paterniacas et que in Alsatia dederunt imperatores eidem loco cellam que dicitur mons Richeri et monasterium quod dicitur Romanum In episcopatu Genevensi monasterium Sancti Victoris martyris In Argentino episcopatu monasterium Salsense In Constantiensi episcopatu cellam que dicitur Romisino In episcopatu Papiensi monasterium Sancti Maioli In episcopatu Lausensi monasterium S Marci In Urbe Placentina ecclesiam Sancti Gregorii Juxta urbem Cremonam monasterium in honore Sancti Gabrielis et sanctorum Barnabe et Luce Preter ea sicut supra diximus quecunque nunc habet aut in posterum Domino annuente habere contigerit in quibuslibet rebus mobilibus vel immobilibus Item constituimus ut obeunte abbate non alius ibi quacunque obreptionis astutia ordinetur nisi quem fratres ejusdem cenobii cum communi consensu secundum timorem Dei elegerint Et ad consecrandum illum ipsi fratres advocent episcopum quemcunque voluerint Nec quovis modo quisquam episcopus vel archiepiscopus locum ipsum seu capellas supradictas videlicet Sancte Marie S Maioli et S Odilonis vel presbyteros ab abbate ibi constitutos Et monachos ipsius monasterii excommunicare vel judicare audeat sed semper sub tutela et immunitate Romana soliusque Romani pontificis judicio consistentes omnipotenti Domino quieti securique deserviant A quocunque episcopo voluerint etiam in opus consecrationum in ipso loco agendarum chrisma oleum sanctum oleum infirmorum accipere necnon et consecrationis altarium et capellarum seu ordinationes monachorum Concedimus tibi et ipsi venerabili loco et confirmamus apostolica auctoritate quandocunque vel quandiu vobis placuerit percussuram proprii numismatis vel monete quemadmodum privilegiis venerabilium predecessorum nostrorum comperimus vobis concessum et confirmatum esse concedimus et confirmamus Hec igitur omnia que ejus precepti decretique nostri pagina continet tam tibi quam cunctis qui in eo quo es ordine locoque successerint et eis quorum interesse poteris in perpetuum servanda decernimus Si quis vero regum sacerdotum clericorum judicum ac secularium personarum hanc constitutionis nostre paginam agnoscens venire contra eam tentaverit potestatis honorisque sui dignitate careat reumque se divino judicio existere de perpetrata iniquitate cognoscat et nisi ea que ab illo sunt male oblata restituerit et digna penitentia illicite acta defleverit a sacratissimo corpore et sanguine Domini Redemptoris nostri Jesu Christi alienus fiat atque in eterno examine districte ultioni subjaceat Cunctis autem eidem loco justa servantibus sit pax Domini nostri Jesu Christi quatenus et hic fructum bone actionis percipiant et apud districtum judicem premia pacis inveniant Datum Lateranis quinto Idus Decembris per manus Petri sacre Romane Ecclesie presbyteri cardinalis ac bibliothecarii anno quarto pontificatus domni Gregorii pape septimi indictione XIV Bene valete