Charter Document - 02173482
| Charter Number: | 02173482 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1075 |
| Date type: | Internal, A.D., Regnal |
| Resource Link(s): |
CCE: cartae cluniacenses electronicae |
Charter:
In nomine sancte et individue Trinitatis Ego Philippus Dei gratia Francorum rex Notum fieri volumus cunctis fidelibus sancte matris ecclesie tam presentibus quam futuris quod quidam fratres et monachi Cluniacensis monasterii adiere serenitatem nostram humiliter postulantes quod in teritorio Aurelianensi quamdam terram de dominio nostro ad Pontem Ossantie Cluniacensi ecclesie concederemus et terram illam cum ea terra quam Ingelbaldus miles cognomine Mansellus eisdem fratribus concesserat et terras illas quas fideles illis largiti fuerant vel largituri erant aut illi fratres pretio redempturi erant in supradicto Aurelianensi territorio ab omni consuetudine et exactione nisi que fratribus redderentur de cetero liberas et absolutas et quietas esse pro redemptione anime nostre et predecessorum nostrorum in futurum clamaremus Quorum petitioni annuendo prout ipsi fratres postulaverant concessimus et ut in perpetuum firmum et inconcussum permaneret nostri nominis karactere et sigillo nostro inde scriptam kartulam istam firmari et corroborari manu nostra signando precepimus S Hugonis fratris regis S Frederici dapiferi S Hervei magistri pincernarum S Hugonis constabularii S Hugonis camerarii S Hugonis de Pitsiaco S Warini de Belismo S Wiberti de Loisiaco Actum publice Aurelianis anno incarnati Verbi MLXXV regnante Philippo rege anno XVI Godfridus Parisiorum episcopus regis cancellarius relegendo laudavit