Charter Document - 02173473
| Charter Number: | 02173473 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1074 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
In nomine Domini nostri Jesu Christi Sciant omnes fideles Dei hanc vuerpitionem quam fecit Bernardus filius Bernardi qui appellabatur Grossus Deo et sanctis apostolis ejus Petro et Paulo et senioribus Cluniacensis cenobii Calumpniabatur et auferebat eis injuste quasdam possessiones quas frater suus Jocerannus veniens ad conversionem dederat eis pro anima sua et pro anima avi sui Joceranni et patris sui Bernardi et omnium parentum suorum hoc est ecclesiam sitam in pago Matisconensi in villa que dicitur Ainai et tres condaminas in villa Sarcei et pratum in Vaurerella et francisas de quodam homine nostro in Curtfranceon Hec omnia calumpniabatur set tandem recognoscens se nullam justam causam habere venit in capitulum Cluniacense et omnia vuerpivit Deo et sanctis apostolis Petro et Paulo et eisdem senioribus in presentia Oddonis prioris et totius conventus et bono animo confirmavit donationem fratris sui Joceranni et in carta notari rogavit quam ipse super altare Sancti Petri posuit Huic vuerpicioni interfuerunt testes et laudatores Hubertus et frater ejus Bernardus et Seguinus de Cres