Charter Document - 02173457
| Charter Number: | 02173457 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Fragment |
| Date: | 1073 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
Geraldus Dei gratia Ostiensis episcopus cardinalis et apostolice sedis legaliis omnibus catholice Ecclesie filiis perpetuam in Domino salutem Cum ex precepto domini pape Alexandri II per Gasconium iter agentes in Hispanias tenderemus in monasterio Sancti Montis hospitati sumus Est autein Sanctus Mons monasterium pertinens ad Cluniacense cenobium constructum a venerabili Bernardo comite et religiosa conjuge ejus Ermengarda et filio ejus Gerardo et altero ejus filio Arnaldo qui paterne jure hereditati successorum Prefati namque comes et comitissa celestis vite dulcedinem adamantes transitorias contempserunt divitias et in monasterio Cluniacensi cui reverendissimus Hugo abbas tunc preerat sancte religionis habitum susceperunt edificantes predictum Sancti Montis monasterium in honorem sancti Joannis Baptiste pro redemptione peccatorum sacrum vel remedio animarum parentum suorum tam qui de seculo presenti decesserant quam et eorum qui successuri erant Primum igitur prenominatus locus utpote Cluniaco legitime donatus et traditus beati Petri novella possessio erat et nos licet indigni ejusdem principis apostolorum legatione fungebamur Rogati sumus ab ejusdem loci priore Adhemaro et reliquis fratribus ut beati Petri tutelam et defensionem omnibus monasterii possessionibus imponeremus Quorum precibus acquiescentes omnia ad idem monasterium loca pertinentia ecclesias predia villas cum omnibus juste acquisitis vel acquirendis auctoritate apostolica beati Petri tuitione munire statuimus ut nulla deinceps persona vel ecclesiastica vel secularis rebus prelibati loci violentiam aut torturam inferre presumat aut iniquas consuetudines imponere audeat Preterea salva mentum quod infra limites constitutos ad securitatem eorum et immunitatem qui inhabitant vel ad id confugerint sub banno beate Petri firmamus et corroboramus ut quicunque et temere et audacter terminos illos id est cruces infringere aut violare presumpserint aut invadere beate Petri banni reum et auctoritate apostolica nisi resipuerit excommunicatum se cognoscat insuper si quid banni intulit infra quindecim dies plene restituat et componat tum etiam satisfactiones et leges quas ecclesiastice precipiunt sanctiones id est nongentos solidos persolvat Quicunque vero in predicti monasterii cimiterio sepeliri se fecerint et de peccatis suis puram confessionem Deo obtulerint veramque penitentiam susceperint et egerint eos apostolica auctoritate absolvimus et fraternarum orationum atque eleemosynarum participes esse laudamus Hanc autem cartam ut firmior habeatur subtus propria manu nostra in hoc libro seu in carta signavimus conservatoribus ejus premia sempiterna contemptoribus autem et in fractoribus supplicia sempiterna et damnatarum animarum tormenta Ego Geraldus Ostiensis episcopus et sedis apostolice legatus relegi et subscripsi anno Incarnationis Dominice MLXXIII indictione xi