Charter Document - 02173416
| Charter Number: | 02173416 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1068 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
In nomine Dei summi omnipotentis Patris et Filii et Spiritus Sancti Ego Wilelmus filius Bernardi et archiepiscopus Ausciorum et fratres mei Raimundus et Oddo et Otgarius et Giraldus et Bertrannus pro peccatis nostris et parentum nostrorum vivorum et mortuorum donamus Domino Deo et sanctis apostolis ejus Petro et Paulo ad locum Cluniacum cui dunnus Hugo abba preesse videtur ecclesiam Sancti Michaelis de Monte Alto cum appendentibus quinque ecclesiis et vineis campis et absque his que pater meus ibi dedit in vita sua dedimus nos unum molendinum in alveo Archo nomine et decem deneratas de vinea indominicali et medietatem silve que vocatur Nigre Vallis et mater nostra similiter medietatem ecclesie que est in villa que vocatur Ulmus et dominationem alterius ecclesie in villa que vocatur Caseras he due sunt in Leomania Unde rogamus per omnipotentem Deum omnes presentes et succedentes ut hoc donum collaudent et integrum et inlibatum custodiant et gratiam Dei adquirant et in societate Cluniensium fratrum quam pro hoc dono suscepimus participes fiant Si quis autem hoc calumniare vel temerare presumpserit quod appetit non perficiat insuper iram Dei omnipotentis incurrat et cum Datan et Abiron absortus intereat Acta est hec carta mense decembri in presentia domni Hugonis abbatis Cluniacensis et Duranni Tholosani episcopi et Wilelmi episcopi Convenarum et Raimundi abbatis Sancti Luperculi Helisane civitatis et aliorum plurimorum regente apostolicam sedem domno Alexandro summo pontifice Philipo rege regnum Francorum gubernante eo desuper regnante cujus regnum et imperium sine fine permanet in secula seculorum S Wilelmi archiepiscopi et fratrum ejus S Arnaldi Lupi et fratrum ejus S Raimundi de Algipoi S Floriani et fratrum ejus S Arnaldi de Angano S Bernardi Guarmundi