Charter Document - 02173407
| Charter Number: | 02173407 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1065 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
In nomine Patris omnipotentis Ego Emma cum filiis meis Bernardo Milone Josceranno Enmaro dono Domino Deo et sanctis apostolis ejus Petro et Paulo quendam mansum ad locum qui vocatur Cluniacus pro viri mei defuncti absolutione seu requie ut Deus omnipotens per intercessionem summorum apostolorum Petri et Pauli et omnium sanctorum liberet animam ejus de inferni voragine et a ministris tartareis clementer eripiat et in sinu Habrae eam perducat Ipse denique mansus est situs in Cabilonensi pago in villa que vocatur Tavellis ab oriente terminat via publica ab occidente via que ducit ad Sanctum Jamgulfum undique vie per circuitum Ipsum vero mansum ego et filii mei sicut superius dictum est donamus totum ex integro Domino Deo et sanctis apostolis ejus Petro et Paulo ad locum supradictum ut ibidem Deo servientes teneant habeant possideant jure perpetuo Si quis vero aut ex heredibus nostris aut de successoribus aliquam calumpniam inferre temptaverit in judicio publico quod habere poterit persolvat usque ad unum nummum Si pertinax extiterit cum Dathan et Abiron descendat in infernum et cum Caypha et Juda traditore Domini maneat in eternum supplicium Quod vero repetit vendicare non valeat carta hec firma et stabilis permaneat