Charter Document - 02173403

Anno ab incarnatione Domini millesimo sexagesimo IIII indictione II feria VI luna XXIII nonas decembris dedicatio hujus loci ecclesie in honore beate Marie sanctorumque martyrum ac piissimi et dulcissimi patris beati Odilonis quam egit pie memorie domnus Achardus Cabilonensis episcopus cum venerabili cetu nobilium clericorum sibi adherentium Est autem hec capella sita in suburbio Cabilonis in parrochia que vocatur Cidanis Locus autem in quo ipsa capella sedet dicitur a la Carmeda cincta undique silva densissima Quam passim incisam aliqui homines undecumque adventantes habitacula sibi commoda prepararunt in circuitu predicti oratorii Constituit itaque jam dictus episcopus cum consensu clericorum ut omnes convene qui de aliis locis ibi advenerint causa habitandi vel quoquomodo demorandi ut ipsi capelle prebeant certam offerendam et baptisterium quando etiam defuncti fuerint debitam in ipso cimiterio ab ipso presule sacrato excipiant sepulturam sine alicujus persone contradictione Quod si quis huic constitutioni impie repugnare nisus fuerit quod causatur non vendicet sed sub vinculo anathematis permaneat usque dum congrue resipiscat Istud decretum factum et laudatum est a domno Achardo pontifice et a clericis subnotatis Domnus Roclenus prepositus et decanus laudavit Rodulfus archidiaconus Constantinus capellanus Ademarus canonicus Bertrannus grammaticus laudaverunt Et non solum isti presentes sed et alii absentes laudaverunt Volumus etiam nosse cunctos rationabilitatem sectantes quod Tethbaldus comes Cabilonensis requirebat in silva que vocatur Prestaria capturam cervorum aprorum caprearum ceterorumve animalium silvestrium et ob hoc prohibebat culturam agrorum in ipsa silva fieri Acceptis autem a domno Hugone abbate centum solidis werpivit quod injuste requirebat in ipsa silva non solum semel set etiam bis