Charter Document - 02173401
| Charter Number: | 02173401 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1064 |
| Date type: | Internal, A.D., Calendar, Episcopal, Regnal |
| Resource Link(s): |
CCE: cartae cluniacenses electronicae |
Charter:
Salvator noster fideles suos in Evangelio ammonet dicens Facite vobis amicos de Mamona iniquitatis ut cum defeceritis recipiant vos in eterna tabernacula Hujusmodi ammonitioni obaudientes ego Hugo vicecomes Pruliensis et mater mea domna Adalaidis et meus consanguineus Petrus donamus Domino Deo et sanctis ejus apostolis Petro et Paulo ad locum Cluniacum in usum et servitium Dei servorum ibi degentium sub cura et regimine domni Hugonis reverentissimi abbatis quatuor ecclesias cum omnibus ad eas pertinentibus in pago Pruliensi sitas et duo molendina Una ecclesia est in villa que dicitur Alairacus super ripam fluminis quod vocatur Lertius et alia est in villa que dicitur Casales et tercia est in villa que vocatur Pressiacus et quarta in villa que vocatur Veziacus Has ut predictum est donamus potestative manu absque omnium hominum contradictione eo tenore ut Cluniacensis congregatio perpetuo jure eas habeat et possideat pro salute animarum nostrarum et parentum nostrorum excepta quinta parte in ecclesia que est Alairaco et in ecclesia que est Veziaco tercia parte excepta quas partes non nos sed alii consanguinei habuerunt Si quis autem hanc donationem nostram ullo modo infringere temptaverit hujus affectum ne perveniat ad effectum validissima manus Dei omnipotentis prohibeat et ipsius odium et omnium ejus incurrat Et preterea condemnamus eum ad fiscum regis vel comitis Vasconie ut sit debitor decem librarum auri Facta est autem hec carta in villa que dicitur Mons Calvus anno Dominice incarnationis millesimo sexagesimo IIII regni autem Phylippi regis Francorum IIII ordinationis quoque domni Wilelmi Aginnensis ecclesie episcopi IIII XVI kalendas decembris indictione II presentibus domno Hugone Cluniacensi abbate cujus et supra meminimus et domno Duramno Tolosane sedis episcopo necnon viris nobilibus Arnaldo Wilelmo Pontione Petro