Charter Document - 02173399
| Charter Number: | 02173399 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1064 |
| Date type: | Internal, A.D., Calendar, Regnal |
| Resource Link(s): |
CCE: cartae cluniacenses electronicae |
Charter:
Omnibus intra sacrosanctam ecclesiam consistentibus luce clarius pateat quod ego Silvius et filius meus Wigo reminiscentes peccata que per incuriam humana committit miseria ex ipsis possessionibus que nobis pius Dominus contulit facimus eumdem largitorem pium et propitium heredem ut de cujus munere talia accepimus ipso largiente veniam peccatorum nostrorum percipere mereamur Donamus itaque et concedimus Domino Deo et sanctis apostolis ejus Petro et Paulo et ad locum Cluniacum ubi prodest magis quam preest domnus Hugo abba aliquid de propria nostra hereditate que est sita in episcopatu Clarmon[ten]si et in regione que dicit[ur] Limagna Est autem hoc donum ecclesia celebris et renominata que vocatur de Losdessa cum vico sive burgo sibi adherente et cum omnibus mansionibus que ibi habentur et omnibus appenditiis que ad ipsam ecclesiam pertinent decimam videlicet cunctarum rerum vel fructuum que ipsa ecclesia actenus habuit absque ulla retentione donamus campos etiam cultos et incultos vineas agros prata pascua exitus et introitus quarumque viarum flaccentia irrigua et arentia et ut breviter concludamus quicquid illud est quod ego Silvius tenui et mater mea Aiglina et filio meo Vigoni reliqui ut ipse vice mea quem sors mortis preripuit hoc donum faceret jam dicto loco Cluniaco et habitatoribus ejus ut deinceps habeant teneant ac possideant jure hereditario absque alicujus persone contradictione Si denique infidelis anima hoc donum quod nos singulariter liberum et ab omni prorsus calumnia nitidum predicto loco concedimus calumniare attentaverit ire Dei omnipotentis et sanctorum ejus subjaceat et cum Datan et Abiron vivus demergat[ur] in tartareus cahos nisi congrua ei subvenerit emendatio hec autem carta cum auctoritate propria firma et stabilis et inconvulsa permaneat S Silvii et filii ejus Wigonis qui hoc donum fecerunt et hanc cartam firmaverunt et laudaverunt S Wilelmi S Pontii Actum publice Cluniaco infra septa monasterii II kal aprilis anno millesimo LXIII ab incarnatione Domini regnante Philippo rege anno regni ejus IIII Gunbertus sacerdos ad vicem cancellarii scripsit