Charter Document - 02173385

Omnibus ab eterno et in evum commune mortalibus summa et ineffabili Dei omnipotentis providentia liberi arbitrii copiam fore collatam utriusque tam veteris quam novi Testamenti multiplex pagina effabiliter intonat Horum ego quamvis indignus Dei servorum servus Unaldus Bruliensium vicecomes cognominatus me ipsum et substantiam universam quam abere videor cum consilio et voluntate genitricis mee domne Adaleidis et fratris mei Hugonis vicecomitis aliorumque plurimorum nobilium virorum pro salute et remedio anime genitoris mei Rotgerii et avunculi mei Saxetonis Aginnensis ecclesie quondam decani et omnis progeniei nostre et simul cunctorum fidelium vivorum et defunctorum precipue autem pro refrigerio anime mee cedo regi regum Deo omnipotenti sanctissimisque et summis apostolis ejus Petro et Paulo ac celeberrimo loco Cluniaco abbatique venerando domno Hugoni simulque omnibus sibi in eodem officio succedentibus et fratribus in ipso loco sub regulari tenore degentibus tam futuris quam presentibus ecclesiam mei juris in honore sancti Martini pontificis consecratam Alairacum cognominatam in pago Aginnensi supra fluvium Garonne et Gercis sitam totam ab integro excepta quinta decime parte que est cujusdam nostri consanguinei Dono etiam et alias ecclesias scilicet Sancti Saturnini in eodem loco constructam Sancti Petri de Casals Sancti Vincentii de Avezag absque tertia parte Sancti Vincentii de Preissag Sancte Marie de Manzovilla Sancti Gervasii de Cirsol Sancte Marie et Sancti Saturnini ecclesiam in Siriniaco silvam unam et ecclesiam in honore Sancte Marie in eadem silva allodium de Montguasco has inquam ecclesias cum universis appendiciis suis que nunc in possessione earum haberi videntur vel Deo auxiliante quicquid in terris vineis et silvis aquis molendinis et pascuis cultis et incultis cum omnibus jam adeptis et adhuc adapiscendis quemadmodum et in hac eadem denotatione subscripta habere videntur Non solum autem hec sed [] quecumque a coquumque cunctis diebus vita comite augere potero vel adjungere abbati et fratribus Moysiacencis monasterii jussu et imperio domni Hugonis Cluniensium reverendi abbatis consilio et voluntate fratrum omnium Cluniensis capituli quandiu locus ipse cum hibidem Deo servientibus in subjectione et ordinatione jam dicti loci Cluniaci perstiterit et permanserit tenere regere et possidere censeo ac dispono tali tenore et ordine quatenus per singulos annos jure perpetuo annuatim censum id est decem solidos probate ac legitime monete senioribus Cluniaco persolvant reliqua vero que inde habere potuerint in Dei servitio ac propriis usibus perhenniter ipsi habeant et possideant De cetero ergo quia sancta et salubris est cogitatio pro defunctis exorare ut a peccatis solvantur memorandum ac memorie comendandum dignum duxi in memoriale perpetuum humiliter implorans supradictis in locis Cluniaco scilicet et Moysiaco sub regulari scemate degentes omni anno in perpetuum pro animabus genitoris ac genitricis mee necnon et avunculi mei jam dicti Saxetonis anniversarium diem memoriter agere Hujus siquidem cessionis atque donationis descriptio facta est anno incarnationis Domini nostri Jesu Christi MLXII sede residente in apostolica dive memorie Alexandro papa Franchorum regni regente monarchiam serenissimo rege Philippo per omnia Si quis autem quod absit vel alterius vel nostre generositatis maligno spiritu agitatus hanc nostre cessionis elemosinam inquietare ausus fuerit aut aliquo modo infectam reddere presumpserit eterno omnipotentis Dei judicio omniumque sanctorum et nunc et in evum se sentiat ac cognoscat dampnandum insuper et apostolice sedi presidentis auctoritate et potestate omniumque catholice ecclesie episcoporum anathematizandum et excommunicandum et quousque resipiscat ac satisfacere studeat plusquam ethnicum et publicanum liminibus sancte ecclesie procul pellendum nomina autem eorum qui hanc cessionis mee cartam ita tenendam possidendam habendamque firmaverunt hec sunt in primis venerabilis Hugo Cluniensium abbas in cujus presentia hec sunt ordinata atque sub ejus manibus firmata Post ipsum quoque memorande memorie domnus Durannus abba simul et episcopus cujus consilio hec agenda disposuimus Post hos ego ipse Hunaldus propriis manibus et viva voce firmavi Adalert genitrix mea firmavit Hugo vicecomes frater meus firmavit Willelmus Arnaldi et filius ejus Petrus firmaverunt Garsia Arnal cognomento Guailard firmavit Willelmus Siguini et frater ejus firmaverunt Rodlannus et filii ejus firmaverunt Willelmus Garsia et filii ejus aliique quam plures firmaverunt