Charter Document - 02173374
| Charter Number: | 02173374 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Foundation |
| Date: | 1061 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
In Dei nomine ego Gaufredus Parisiorum episcopus omnibus sancte matris ecclesie fidelibus tam presentibus quam futuris notum fieri volumus qualiter quidam noster miles nomine Guido nostram presenciam adierit humiliter precans et obnixe postulans quatenus pro remedio anime mee necnon antecessorum successorumque nostrorum ecclesie in burgo Longo Ponte dicto sitam et in honore sancte Dei genitricis fundatam et dedicatam monachis inibi Deo servituris et sub regula beati Benedicti militaturis traderemus eo tenore eo siquidem respectu ut omnia tam ad nos quam ad nostram ecclesiam pertinencia manerent illibata et inconvulsa videlicet synodus et circa de et cetere exactiones non indebite tantum districtio regularis maneret penes abbatem Cluniacensis monasterii de cujus monachis predicta ecclesia nostro consilio nostraque auctoritate primicias monastice religionis visa est suscepisse Cujus precipibus adquiescentes assensu Joscelini archidiaconi ad cujus ministerium predicta ecclesia pertinere videbatur necnon ceterorum nostrorum fidelium tam clericorum quam laicorum prenominatam ecclesiam monachis inibi Deo famulantibus et pretaxato respectu Cluniacensis monasterii regulam sancti Benedicti servantibus nostro nostreque ecclesie jure servato ad Dei omnipotentis honorem et nostre ecclesie debitam reverenciam concessimus habendam et in perpetuum tenendam firmantes etiam et nostra auctoritate corroborantes quatenus quicquid predictus noster miles vel dedit vel in posterum daturus est successoresque sui firmum et inconcussum sine ulla inquietudine predicta ecclesia possideat et firmiter teneat Quod si quis hujus nostri precepti paginam quod minime credimus infirmare temptaverit nichil proficiat sed ejus calumpnia irrita maneat et ut majorem in posterum vigorem obtineat nos eam manu propria firmavimus eamque nostrorum fidelium tam clericorum quam laicorum manibus firmari precipimus S Gaufredi episcopi S Odonis decani S Drogonis archidiaconi S Joscelini archidiaconi S Yvonis archidiaconi S Landonis cantoris S Galterii presbiteri S Oddonis presbiteri S Eustachii presbiteri S Lancelini diaconi S Drogonis diaconi S Ermenerii diaconi S Yrsonis subdiaconi S Odonis subdiaconi S Garini subdiaconi S Lysiardi acoliti