Charter Document - 02173352
| Charter Number: | 02173352 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1055 - 1098 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
In nomine Dei Patris et Filii et Spiritus Sancti Notum sit cunctis sancte Dei ecclesie catholice fidelibus presentibus et futuris quod ego Rainaldus de Castro Luciaco dono Domino Deo et sanctis apostolis ejus Petro et Paulo et loco Cluniaci ubi domnus Ugo abbas magis videtur prodesse quam preesse et fratribus ibidem Deo servientibus presentibus et futuris concedo ego jam supradictus miles abbati Cluniacensi et fratribus sibi subjectis dono videlicet et laudo pro remedio anime mee et omnium parentum meorum omne quod habeo in ecclesia Sancte Marie de Luciaco et quicquid ad ipsam pertinet ecclesiam totum ab integro Item dono eidem loco burgum qui vocatur Novus et omne quodcumque ad ipsum burgum pertinet Dono etiam villam que vocatur Tamponat cum omnibus ad se pertinentibus Hanc autem nostram donationem quam feci pro remedio anime mee de ecclesia Sancte Marie et de Burgo Novo et de villa Tamponati feci cum consensu et laudatione Gaufredi de Sinemuro senioris mei et cum laudatione Wigonis de Varenas et Ugonis de Moneta et Gaufredis Rubri consobrini mei nullum de eis contradicente sed magis laudante et confirmante S Rainaldi qui hoc donum fecit et testes firmare rogavit S Aganonis episcopi Eduensis qui hoc donum laudavit et testes firmare mandavit S Walteri decani S Guidonis archidiaconi Ugonis thesaurarii Nergaudi precentoris Hugonis archidiaconi Siguini prepositi Duranni capellani S Raynerii archipresbiteri et totius conventus Sancti Nazarii Si quis autem hanc donationem infringere voluerit [quod absit] nisi ad emendationem venerit in primis iram omnipotentis Dei incurrat et sanctorum apostolorum Petri et Pauli et aliorum omnium sanctorum nisi ad satisfactionem venerit Omnes vero qui observatores hujus nostre donationis extiterint veniant super eum omnes benedictiones veteris et novi Testamenti Amen Amen Fiat Fiat