Charter Document - 02173335
| Charter Number: | 02173335 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1050 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Quotienscunque inter homines de qualibet re conventio sive donatio seu venditio necnon verpitio fit posterorum memorie intimandum est stilo ne forte aliquis aut propinquitatis objectione aut cupiditatis illectione seu alicujus rei occasione nevum querimonie inferre audeat Quamobrem volumus omnibus esse notam notitiam conventionis quam Girbardus et uxor ejus Ingeltrudis cum monachis Cluniensis cenobii habuerunt scilicet cum Odone et quam pluribus donantes Deo et sanctis apostolis ejus Petro et Paulo locoque prefato unum clausum de vinea pro remedio animarum suarum locoque sepulture hoc videlicet pacto ut eis defunctis honorifice rectores predicti loci eos sepulture tradant