Charter Document - 02173318
| Charter Number: | 02173318 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1050 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Quicumque illius terre vult heres effici de qua Psalmista dicit Credo videre bona Domini in terra viventium hanc terram quam pedibus calcamus et quam vermes inhabitant ne pigritet dare pro ipsa Quod ego Ermengardis cupiens facere dono ad locum Cluniacum unum mansum qui vocatur Enves cum consensu mei mariti Walterii et filiorum meorum Wigonis et Stephani et nepotis mei Rotlanni pro redemptione peccatorum meorum et salute anime mee in quo loco domnus Hugo abba magis prodesse quam preesse videtur Si quis huic mee donationi aliquam calumpniam vel litem inferre temptaverit iram Dei omnipotentis incurrat nisi emendaverit