Charter Document - 02173313
| Charter Number: | 02173313 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1050 |
| Date type: | Internal, Calendar, Papal |
| Resource Link(s): |
CCE: cartae cluniacenses electronicae |
Charter:
Leo episcopus servus servorum Dei Hugoni venerabili abbati Cluniacensis cenobii suisque successoribus in perpetuum Convenit apostolico moderamini pia pollentibus religione assensum pietatis prebere Quoniam postulasti a nobis frater confirmari apostolica auctoritate quedam bona concessa a quibusdam viris Deum timentibus nostre Cluniacensi ecclesie per hanc nostre preceptionis paginam confirmamus illa tibi tuisque successoribus secundum petitionem tuam quoniam eam rationabilem conspeximus et honestam Proinde scuto nostre defensionis corroboramus predicto cenobio ecclesiam cum predio quod dicitur Raningas sub nomine celle constructam quam dedit bone memorie Requinus de Darneio consentiente uxore sua Lanceda nomine nostro prefato monasterio videlicet ipsum predium Raningas cum omnibus appenditiis in terris cultis et incultis pratis silvis aquis aquarumque decursibus pascuis servis ancillis et omnibus usuaribus quecunque ibi visi sunt possidere ecclesias servos et ancillas predia quoque sicut sunt a predicto Riquino scripta laudante et consentiente Tullensis sede pontifice salva tamen auctoritate et honore sue ecclesie confirmamus tibi in perpetuum predium etiam quod Hugo de Longa Aqua dedit Sancto Petro Cluniensis ecclesie qui caput est hujus nostre celle confirmamus tibi insuper et alia quecunque a bonis hominibus predicto loco postea sunt concessabiliter justo adquisita vel in futuro poterunt adquiri eodem modo laudamus et confirmamus Statuentes apostolica censura ut nullus rex archiepiscopus episcopus dux comes vicecomes vel alia aliqua judicialia persona audeat aliquam inferre calumniam contra hanc nostram defensatricem paginam quam quicumque studuerit servare et custodire inlesam habeat nostram benedictionem cumulatam qui autem contrarius extiterit anathematis nostri jaculo percussus in morte anime jacens ad vitam eternam numquam nisi resipuerit mereatur resurgere Data VII kal novembris per manum Udonis Tullensis primicerii sancte apostolice sedis cancellarii et bibliothecarii anno domni Leonis VIIII pape II indictio IIII