Charter Document - 02173300
| Charter Number: | 02173300 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1049 - 1109 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
In nomine cunctipotentis Dei cunctaque regentis ego Stephanus quondam miles de Brugeria divini muneris respectu ad sancte conversationis habitum veniens dedi simulque reliqui eidem omnipotenti Deo et Cluniacensi cenobio quod est consecratum in honore beatissimorum apostolorum Petri et Pauli cui etiam domnus Hugo abbas preesse pariter ac prodesse dinoscitur quoddam jus meum quod habebam in manso de Cerniaco Quem scilicet mansum domnus Wigo quondam miles de Germola jam dicto monasterio tradiderat possidendum sed postea medietas ejus prava cupiditate in cujusdam militis jus devenit de cujus alia medietate que habetur in custodia decani ville que dicitur Arpagiacus tertia pars nihilominus mihi jure parentali obvenerat quam uti prefatus sum ex integro tradidi supradicti cenobii fratribus in manu simul atque presentia domni Hugonis abbatis laudantibus fratribus meis Achardo scilicet atque Artaldo cum servitio duorum denariorum quotannis et quicquid ibi possederam in vineis videlicet silvis pratis etiam et pascuariis S Stephani qui hoc donum fecit S Achardi atque Artaldi fratrum ejus