Charter Document - 02173267
| Charter Number: | 02173267 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1049 - 1109 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Neminem melius thesaurizare quam in pauperes et filios ecclesie divina admonemur voce cum nobis amicos de iniquo Mammona qui nos in eterna recipiant tabernacula jubemur adciscere Igitur ego mulier Gaufredi de Marciaco filiique nostri pro anima ipsius et nostris animabus donamus Deo et sanctis apostolis ejus Petro et Paulo ad locum Cluniacum ad refrigerium Christi famulorum ibi manentium unum mansum in villa Berziaco juxta ecclesiam vergentem ad aquilonem situm juxta viam sicut clausure ambitus continetur Hoc donum frater ejus domnus Vuichardus laudavit et hanc cartam scribi rogavit Testes fuere Vuigo Verullus Durannus de Senesiaco