Charter Document - 02173265
| Charter Number: | 02173265 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1049 - 1109 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Divina providente clementia concessum est hominibus ut ex rebus quas jure possident eterna valeat merces adquiri Quamobrem nos fratres Achardus Walo et Leotaldus donamus Deo et sanctis apostolis ejus Petro et Paulo ad locum Cluniacum aliquid ex rebus nostris pro anima fratris nostri Livonis et in locum sepulture videlicet unum mansum in Monte in pago Matisconense una cum servo qui vocatur Restaldus cum uxore sua et infantibus suis et alium mansum in villa que vocatur Nuyrolis cum omnibus que ad ipsos mansos pertinent vineis pratis silvis pascuis campis perviis et inviis Et ut hec nostre donationis legatio firma et inconvulsa permaneat cum stipulatione subnixa et nos firmavimus et firmare rogavimus Qui autem scindere voluerit non vindicet quod repetit sed coactus componat libram auri et nisi emendaverit maledictus sit S Walonis Achardi et Leotaldi qui fieri et firmare rogaverunt S Lantberti S Wacelmi S Ugonis S Aydoardi S Gausberti S Teogrini S Rodulfi S Joceranni S Bernardi