Charter Document - 02173246
| Charter Number: | 02173246 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Exchange |
| Date: | 1049 - 1109 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Ego Ansedeus in Dei nomine et uxor mea et filii nostri notum fieri volumus omnibus sancte Dei ecclesie fidelibus quod quidam ex nostris militibus nomine Achardus nostram adiit presentiam humiliter deprecans ut ex terra Sancte Marie que vulgo dicitur Belmontensis que ei nostra largitate in beneficio concessa est unum campum in pago Matisconense in agro Erniacense in villa Besorniaco situm in parte orientali fere III perticis distantem a clausula Salvamenti et ex aliis partibus terra Sancti Petri terminatum liceat cum monachis Cluniensibus pro alia terra scamiare Cujus petitione et fidelium nostrorum consilio compuncti prefatum campum tradimus predictis monachis eternaliter possidendum Et ut hec carta inconvulsa permaneat manibus propriis eam firmamus et manibus fidelium nostrorum firmari jubemus