Charter Document - 02173191
| Charter Number: | 02173191 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1049 - 1109 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Quamquam oporteat omnes christianos solatium auxilii fratribus in necessitate positis inpendere specialius tamen filiis convenit ut parentibus subveniant Proinde omnibus Christi fidelibus notum sit quod Rotbertus et fratres ejus Falco et Bernardus dederunt Deo et beatis apostolis ejus Petro et Paulo fratribusque cenobii Cluniacensis pro anima matris sue mansum Sigaldi de Algei totum ex integro cum omnibus appenditiis planum boscum pratum Dederunt etiam unam bordeleriam in pago Augustudunensi in Monte Cuiget Huic donationi interfuit Jozerannus de Villei