Charter Document - 02173150
| Charter Number: | 02173150 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Bequest |
| Date: | 1049 - 1109 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Quia plerumque bene gesta variantur et cuncta que sub sole fiunt mutantur et ipse res in diebus nostris cito oblivioni dantur a nobis acte nisi litterarum vinculis alligentur idcirco decretum est a prioribus patribus scripto commendari que fiunt quatinus ad posterorum noticiam tam ad bonorum eruditionem quam ad reproborum depressionem dirigantur Quapropter omnibus tam presentis temporis quam futuri notitia hec verpitionis manifesta sit quam fecit Achardus cum domno Hugone abbate de quadam terra Quendam molendinum tenebat Durannus presbiter de domno abbate Hugone et monachis Cluniensibus in quo Achardus requirebat franchisiam videlicet in esclosam que ad ipsum molendinum pertinet Fecit autem verpitionem de ea querela in domni Hugonis abbatis manu et accepit IIII solidos a decano de Lordono in tali convenientia ut si aliqua persona in eadem querela aliquam calumpniam quesierit ipse omnes tacentes faciat et omnibus ipsis hanc cartam firmare faciat