Charter Document - 02173148
| Charter Number: | 02173148 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Exchange |
| Date: | 1049 - 1109 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Quicumque illius terre effici heres de qua per Psalmistam dicitur Credo Domini bona in terra videre viventium cupit hanc quam pedibus calcamus vermes et multa utilia et inutilia germinantem pro Christi amore dare operariis in vinea sua laborantibus non dubitet ut a summo Patrefamilias in remuneratione denarii cum eis munerari mereatur Quocirca ego Ato et uxor mea Rollendis peccatorum reminiscentes nostrorum immo illam Dominicam vocem oblectantes adimplere que dicit Date elemosinam et cetera donamus aliquid de rebus nostris que sunt site in pago Matisconensi in agro Mediolanensi in villa Cortilis Deo et sanctis apostolis ejus Petro et Paulo locoque Cluniensi hoc est unum campum qui terminatur a mane rivo currente a meridie terra Grimberti ab austro terra Sancti Petri ab aquilone terra Sancti Petri et Sancti Benedicti a sero gutta currente et in alio loco campum unum qui terminatur a mane rivo currente a meridie terra Sancti Petri Item in alio loco unam petiolam que terminatur a mane rivo currente a sero et ab austro terra Sancti Petri a meridie de colonia Flotveni In alio quoque loco raschiam unam que ita terminatur a mane terra Odonis a sero terra Sancti Petri a meridie terra Sancti Benedicti Dono etiam in alio loco duos campos in ipsa hereditate qui terminantur undique terra Sancti Petri Hec supradicta omnia dono Deo et sanctis apostolis ejus Petro et Paulo partim pro anime mee et uxoris mee Rollendis remedio partim pro pretio pretaxato scilicet solidis XX valente id est in denariis in bestiis seu in aliis rebus Si quis autem hanc donationem seu venditionem nostram ex heredibus vel coheredibus calumniare temerario ausu presumpserit non audiatur ejus vox sed auri libram cui litem intulerit cogente juditiaria potestate coactus persolvat et nostra donatio sic stabilis et inconcussa fixa cum stipulatione permaneat S Attonis qui istam jussit facere cartam S Rotlendis uxoris ejus S Eldrici filii ejus S Huberti filii ejus S Vuinibaldi S Jerbaldi S Gaumari S Oddonis