Charter Document - 02173144
| Charter Number: | 02173144 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1049 - 1109 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Cunctorum conditori devote ac vigilanter bonorum servire cupientibus ac ad supernum regnum pervenire per Christi misericordiam sperantibus christicolis omnibus tanta devotio ac perfecta caritas inesse debet et habundare ut bona comissa que a Domino distribuenda Christi fidelibus non in propriis usibus retinenda acceperunt impendere caritative ac sollerter studeant Scriptum quippe est Hilarem enim datorem diligit Deus Idcirco ego Eldebertus presbiter cognonscens me per carnis fragilitatem multa deliquisse dono Deo et sanctis apostolis ejus Petro et Paulo pro anime mee redemptione de rebus meis que sunt in pago Matisconensi in agro Fusiacense in villa Cropia hoc est curtilum unum et vineam unam terminatur a mane terra Sancti Clementis a medio die et a sero via publica a certio Sancti Clementis Infra istas terminationes medietatem vobis dono Item et in alio loco in villa Vallis ubi dicitur mansum unum et vineam insimul tenentem terminatur a mane rivo decurrente a medio die terra Duranni et heredum ejus a sero terra Sancti Petri a certio rivo influente Rursum etiam in villa que vocatur Cassiniaco unum curtilum et vineam unam terminatur a mane et a sero a certio terra Sancti Petri a medio die via publica Infra has terminationes totum ad integrum vobis dono S Eldeberti qui donum hoc fecit et scripto commendare rogavit S Duranni presbiteri S Isnardi S Giraldi presbiteri S Gauzberti S Alboeni S Andree S Rainardi presbiteri S Anselmi S Rotberti