Charter Document - 02173129
| Charter Number: | 02173129 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1049 - 1109 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Quia refrigescit karitas et habundat iniquitas et quedam bene gesta plerumque a nonnullis injuste usurpantur iccirco auctoritate priorum sanccitum est ut ea que in presenti fiunt tam ad instruendam bonorum ignorantiam quam ad refellendam reproborum pertinatiam litterarum vinculis comitantur Et quoniam semper tempore necessitatis ad ea tutanda vel defendenda aliquando debitum humane conditionis exsolventes seu aliis preoccupati negociis presentes existere nequeunt saltim suis ea auctoritatibus ac testamentis defendant Quamobrem notum omnibus infra sancte matris ecclesie sinum degentibus sit quod quidam nomine Gozerannus et uxor ejus Odila et filii eorum pro animarum suarum remedio dederunt Deo et sanctis apostolis ejus Petro et Paulo quasdam terras quas in parrechia Varrennis et Domni Martini et in villa Manstruaco possidere videbantur videlicet cum omnibus ad illas pertinentibus id est cum servis et ancillis [] Quod etiam Vuichardus qui hanc cartam fieri rogavit laudavit ita habendum et possidendum monachis nemine contradicente S Vuichardi S Adalberti S Huberti de Borna S alterius Huberti de Tileriis