Charter Document - 02173128
| Charter Number: | 02173128 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1049 - 1109 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Quoniam hec vita misera et caduca est et se diligentibus multa adversa in presenti tribuens quosque decipere potest ad Tartara dirigit ideo nobis cogitandum summopere est de illa que caret fine Ad quam nemo pervenire valebit nisi hic res sibi a Deo creditas prius fideliter Christi pauperibus dispensaverit et ideo ego Girbertus presbiter sciens me valde reum esse mei ordinis trado Domino Deo et sanctis apostolis ejus Petro et Paulo pro anime mee remedio et loco Cluniensi aliquid mee hereditatis unum videlicet pratum in villa Misiriaco situm tali pacto ut ab hac die et deinceps sine contradictione alicujus quidquid facere voluerint faciant Quod si quis temerario ausu cupiditate avaritie ductus huic dono contrahire voluerit non vendicare quod repetit valeat sed nisi cito resipuerit iram Dei omnipotentis et sanctorum apostolorum Petri et Pauli incurrat perpetuo igne dampnandus S Girberti presbiteri qui firmavit et firmare oravit S Annonis S Tetelmi S Aaldranni S Gisembardi S Gozberti