Charter Document - 02173123
| Charter Number: | 02173123 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1049 - 1109 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Dum in hujus seculi vivitur peregrinatione et dum licet et tempus idoneum instare videtur convenit unicuique fidelium precipue laicali professione viventium de salute anime sue cogitare Proinde quantum humanus sensus ac intellectus sagaciter perpendere atque sollerti indagine rimari potest nihil utilius in hujus vite lucem valet de fugitiva gaudia lucrari quam ut de bonis temporalibus Christi fidelibus aliquid elemosine subsidium inpendatur quatinus a summo Paterfamilias in remuneratione denarii cum ipsis remunerari mereantur Hujus itaque remunerationis gratia ego Girbaldus dono Deo et apostolis ejus Petro et Paulo aliquid de mea hereditate que est sita in pago Matisconensi in villa que dicitur Pestongias hoc est unum scilicet curtilum et duo prata Terminatur curtilus a mane via publica a meridie Abundii a certio terra Sancti Petri a sero de ipsa hereditate Unum pratum terminatur a mane terra Sancti Mauritii a sero aqua volvente a medio die de ipsa hereditate a certio terra Rotgerii Aliud vero pratum terminatur a sero terra Sancte Marie a mane via publica a meridie terra Sancti Petri a certio terra Sancti Vincentii Fatio autem hanc donationem tali conditione ut quandiu vixero teneam et reddam inter vineam et prata in vestitura IIII sextaria vini Dono etiam in alio loco unam vineam que terminatur a mane terra Sancte Marie a sero murus de ipsa hereditate a certio Sancte Marie a medio die Sancti Petri Item in alio loco unum campum terminatur a mane de ipsa hereditate a sero terra Sancti Vincentii a medio die terra Abundii a certio Sancti Petri Dono in vestitura de curtilo et de campo regis terre Et ut firmum permaneat manu propria firmavi et testibus roborandam tradidi S Girbaldi qui donum fecit