Charter Document - 02173116
| Charter Number: | 02173116 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1049 - 1109 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Auctoritas divina nos vigilanter admonet ut dum vivitur in hujus seculi pelago certatim ad gaudia currere mansura sine fine debeamus Quapropter si deinter undas hujus pervagantis seculi misericorditer a Domino volumus eripi et ad portum quietis pertrahi cupimus summopere providendum nobis est ne justo judici in illo juste exagerationis examine penitus ubi cunctis patebunt cuncta que quis in carne gessit inveniamur infructuosi Unde omnibus Christi caractere insignitis notum sit quod ego Ornadus et uxor mea nomine Altasia Domini amore conpuncti pariter et juditii futuri terrore perterriti donamus Deo et ejus apostolis Petro et Paulo et loco Cluniensi in eorum veneratione consecrato aliquid de nostra hereditate que sita est in Matisconensi pago in villa que Dumbinas nuncupatur hoc est mansum unum cum omnibus ad se pertinentibus pratis silvis pascuis cum con vicinalibus ceteris consuetudinibus et omnibus que in ipsa villa mihi esse videntur Facio autem hanc donationem eo videlicet conventu ut quandiu vixero teneam et omni anno pro investitura duos vini modios persolvam post obitum vero meum ex integro prefato loco remaneat et ut mihi sepulture locus si forte in ista provincia finis meus advenerit honorifice tradatur S Ornadi qui donum fecit et firmare rogavit S Altasie uxoris ejus S Gudulrici S Achardi S Johannis S Girardi