Charter Document - 02173096
| Charter Number: | 02173096 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1049 - 1109 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Dum in istius seculi erumnosa peregrinatione quisquis christianus vivit interimque dum tempus est acceptabile in quo peccata sua munificentia elemosinarum bonorumque aliorum operum obnubilare potest mores suos vitamque omni mentis conamine emendare studeat iccirco namque homini hujus vite dies ad inducias misericordissima Dei clementia concedit ut pravam vitam suam in bonum convertat deinceps recte vivendo testante apostolo An ignoras quoniam Dei benignitas te ad penitentiam adducit Quocirca ego Otgerius cognoscens me multum deliquisse dono Deo et sanctis ejus apostolis Petro et Paulo Cluniensique monasterio pro anime mee remedio filiique mei Gerardi sive etiam tam pro mea quam et pro illius sepultura aliquid ex rebus meis videlicet unam vineam in agro Vuerie determinatam et in villa Conflens sitam habentem in transversum perticam unam et dimidiam et in longum XV In circuitu vero terminatur ex eadem hereditate Dono etiam in eadem villa quoddam pratum quod mihi parte fraterna procedit S Otgerii qui fieri et firmare rogavit S Geraldi fratris ejus S Duranni fratris ejus atque Ildini fratris ejus S Bernardi presbiteri S Otgerii filii supradicti Otgerii