Charter Document - 02173052
| Charter Number: | 02173052 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1049 - 1109 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Cum divine nobis scripture per Salomonem testetur auctoritas Divicie viri redemptio anime ejus itemque idem ipse asserat Protegit sapientia protegit et pecunia denique per se Salvator noster saluberrima nos doctrina instituat Facite vobis amicos de Mamona iniquitatis omnibus quos aut divicie amplificant aut pecunie locupletant sollerti diligentia providendum est quatinus ita distribuantur ut in salutem anime proficiant et que possessores suos sequi morientes non possunt in actoris obsequium expensa premittantur Magna siquidem est hec conditoris clementiam cum se pro nobis ipse tradiderit ut redimeremur nostra non dedignantis suscipere ut peccatorum veniam consequamur Has divine admonitionis sententias considerantes ego Wilelmus et uxor mea Adeleida ob remedium animarum nostrarum et antecessorum nostrorum de amplitudine preditorum que dedit nobis Deus beatis apostolis ejus Petro et Paulo ad monasterium Cluniacense cui venerabilis abba Hugo preesse videtur donare aliquid statuimus in pago Limagnie terram scilicet nomine Caverossum cum continentia sua et finibus suis ea ratione ut jus alodiare et quicquid proprietatis aut dominicature in ea possideo predicto loco et monachis inibi Deo famulantibus delegem et transfundam perpetualiter obtinendum Et ut hec traditionis carta firma et inviolabilis permaneat nostra auctoritate roboravimus fidelium nostrorum assensu laudari et astipulari fecimus S Wilelmi filii ejus S Stephani fratris ejus