Charter Document - 02172991
| Charter Number: | 02172991 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1049 - 1064 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Domno Hugoni abbati Cluniacensi Rotgerius comes de Foys et uxor ejus amici et omnino servi pro posse sui a salvatore Deo salutem et opem Notum est nobis pater et magister animarumque pastor teste humano genere passim cotidie obeunte non nos semper corporaliter vivere posse Ideo consilio inito inter nos ad remedium et nostrarum salutem animarum remissionemque que egimus peccatorum ex hereditate quam in presentiarum possidere videmur transitoria dare vobis partem jam disposuimus ut perpetuam mereamur cum Domino mercedem qua post corporum finem nostrorum in celesti feliciter vivamus requie Quod quoque vestri ordinis meritis et precibus credimus adquirere superabundanter quam petimus Christi misericordie affluentia desuper nobis pie lapsura cui in nobis vos fidutialiter cum predicta donatione commitemus verbi gratia Domino Deo creatori ac Redemptori nostro Jesu Christo genitricique ipsius sancte Virgini Marie et apostolis sanctis Cluniacensis cenobii Petro et Paulo necnon tibi Hugo sancte viventi famosissimo per orbem Cluniensi abbati ego R et conjux mea pro acquisitione vite eterne concedimus cum omnibus ad se pertinentibus cum assensu et ultroneo consilio comitis Tolosani locum Sancti Antonini qui vulgo vocitatur Fredoleiz quatenus ibi monastici habitus te statuente regularis inseratur ordo ad provectum profectumque nostrarum omniumque fidelium animarum