Charter Document - 02172960
| Charter Number: | 02172960 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Bequest |
| Date: | 1044 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
In nomine Domini Dei et Salvatoris nostri Jesu Christi Ego Girardus miles notum esse volo cunctis presentibus et futuris quod proclamantibus se monachis Cluniacensibus videlicet Almanno decano claustrensi et Rodberto priore Cariloci cum coessentibus sibi fratribus ante presentiam domni Odulrici Lugdunensis archiepiscopi et quamplurimorum nobilium clericorum ac laicorum regionis vuerpitionem feci super altare Sancti Stephani de omnibus aliis consuetudinibus et executionibus quas exigere solebam quas pater meus non habuit sed ego allevavi non solum infra munitionem salvamenti monasterii verum etiam in circumjacentibus terris et villis ad prefatum locum pertinentibus [] ut ab hac die et deinceps neque ego neque alius pro me exigam qualicumque occasione omnibus diebus vite mee sed neque post mortem meam aliquis ex heredibus meis ullam rationem habeat requirendi Quod si quis hoc presumpserit iram Dei [] incurrat presentis quoque domni archiepiscopi Odulrici anathematizatione colligatus fiat [] et in fisco publico auri libram componat Signum Girardi qui hanc vuerpitionem feci Testes sunt vuerpitionis domnus Odolricus archiepiscopus domnus Surannus decanus frater ejus Rollannus [et viginti quinque alii quorum nomina preterimus]