Charter Document - 02172938
| Charter Number: | 02172938 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1040 |
| Date type: | Assigned |
| Resource Link(s): |
BnF Département des Manuscrits - NAL 1498 (f10r) TELMA - Traitement électronique des manuscrits et des archives CCE: cartae cluniacenses electronicae |
Charter:
A paradisi amenitate primo parente nostro expulso in hujus vite peregrinacione ob inobedientie culpam constituto omnipotens Dominus ut sicut exinde ejectus fuerat speciale ei tribuit quoddam remedium per quod valeat ad eternum redire unde exierat regnum dat namque unicuique fidelium speciale peculium quatinus de conlatis ab eo sibi bonorum temporalium faciat sibi thesaurum indeficientem in celum quo non ingreditur fur ad furandum nec ubi nulla est demolitio tinearum sed et sapientis et justi viri exortantis est vox in qua invitamur ad elemosine tribuendum bonum qualiter nos invitat dicens in hunc modum Fiducia magna est coram altissimo Deo eis qui sectati fuerint elemosine bonum Quapropter ego in Dei nomine Rainaldus cum uxore mea Terrede nomine donamus Deo et sanctis ejus apostolis Petro et Paulo ad locum Cluniacum ubi prodesse magis quam preesse videtur domnus et reverentissimus Odilo abbas ex nostrarum temporalium rerum a parentibus nostris jure obvenientium videlicet dimidiam ecclesiam in territurio Augustudunensi sitam atque in honore sancti martyris Christi Andochii consecratam cum omnibus que ad medietatem ipsius ecclesie pertinere noscuntur In ipsa etiam villa ubi eadem ecclesia constructa est que Fontaneda vocatur dono supradicto loco servientibus Christo unum mansum cum omnibus que ad se pertinent quesitum et inquirendum Hanc autem donationem ex rebus supra denominatis facio pro anime mee remedio necnon et pro anima uxoris mee Terrede et pro animabus omnium parentorum meorum salute quatinus omnipotens Dominus qui salus fidelium et electorum suorum est cum sanctis suis concedat nos gaudere in suo regno in tali etiam convenientia hec ipsa facio ut ab hodierno die et deinceps habitatores Cluniacenses ex his quicquid voluerint agant Quod si quis huic nostre donationi contrarius esse voluerit vel calumniam inferre temptaverit omnium maledictionum que in divinis litteris continentur maledictione punitus anathemate perpetuo damnatus intereat S Rainaldi et uxoris ejus Terrede qui hanc donationem fecerunt S Landrici S Tedrici S Rolanni S Ansegisi