Charter Document - 02172852
| Charter Number: | 02172852 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Bequest |
| Date: | 1031 |
| Date type: | Internal, A.D., Regnal |
| Resource Link(s): |
CCE: cartae cluniacenses electronicae |
Charter:
Noticia quam fecit comes Oddo Sancto Petro Notum sit omnibus tam presentibus quam futuris quod ego Oddo comes interpellatus sive rogatus a monachis Cluniacensibus domno videlicet Rotberto priore et ceteris fratribus veni in capitulum et in presentia omnium fratrum feci donationem Sancto Petro de illis consuetudinibus que mihi debebantur ex illis terris que nunc usque pro elemosina date sunt Sancto Petro sive alio modo cum rectitudine conquestate in comitatu Matisconense et quas ipsi hucusque tenuerunt Firmo eciam donationem quam antecessores mei fecerunt supradicto loco de silva que vulgo Cenva vocatur ut illam consuetudinem quam habitatores jam dicti loci in villa hactenus habuerunt perpetualiter sine alicujus contradictione habeant et teneant S domni Ottonis comitis qui hanc vuerpicionis noticiam fecit et firmavit S Gausfredi filii ejus S Widonis filii Gausfredi comitis S Wichardi S Hugonis S Letaldi S Liceni S Odulrici S Girberti Actum Cluniaco in mense augusto III idus ejusdem mensis anno ab incarnatione Domini MXXXI indictione XIIII vicesimo V die post transsitum domni Rotberti gloriosi regis Francorum anno XL regni ipsius qui est VI filii ejus piissimi domni Henrici ex quo unctus est in regem super gentem Francorum et Burgundionum