Charter Document - 02162769
| Charter Number: | 02162769 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1022 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
In nomine sancte et individue Trinitatis Notum sit cunctis christianis fidelibus tam presentibus quam etiam et futuris quod ego Bernardus et fratres mei pro animarum nostrarum remedio donamus Deo et sanctis ejus apostolis Petro et Paulo et loco Cluniaco de nostra hereditate que sita est in pago Matisconense in villa Sancti Pontii hoc est unum boscum et unum campum in vestitura ab hodierna die ad integrum ut faciant exinde quidquid facere voluerint habitatores Cluniensis monasterii Donamus etiam ego et fratres mei unum pratum cum omni parte que nobis evenit de parte matris nostre sine ullo calumpniatore in tali conventu ut quamdiu nos vixerimus teneamus Post mortem vero nostram donamus ita libere et absolute ut nullus de filiis et filiabus nostris sive de heredibus ibi aliquid requirat sed in potestate seniorum Cluniacensium remaneat quodcumque habere videmur ab Avalone fluvio decurrente totum ex integro adquisitum et ad inquirendum S Bernardi qui hanc donationem fecit et testes firmare rogavit S Ottonis comitis qui hanc donationem laudavit atque firmavit et pro hoc datur sibi unus caballus optimus S Gosfredi filii sui S Tetberti S Duranni S Rainardi S Constantii S Duranni filii ejus S Adalberti S Petroni S Onardi Facimus autem istam donationem pro remedio animarum nostrarum parentumque nostrorum ut Deus omnipotens et nobis et ipsis partem donet et societatem in benefactis supradicti loci taliter ut anime nostre a peccatis absolute gaudere mereantur in Sanctorum requiem Si quis vero istam donationem a me et ab aliis supradictis testibus firmatam irritam facere voluerit apud Deum omnipotentem a beatis apostolis Petro et Paulo accusatus dampnationis sue ruinam in inferno mersus nisi penituerit experiatur