Charter Document - 02162765
| Charter Number: | 02162765 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1022 |
| Date type: | Internal, A.D., Regnal |
| Resource Link(s): |
BnF Département des Manuscrits - NAL 1498 (f15r) TELMA - Traitement électronique des manuscrits et des archives CCE: cartae cluniacenses electronicae |
Charter:
Creator omnium rerum salus et vita ominum providens genus humanum multociens caduca et infima querere quam sublimia queque et salubria appetere gratuito suo munere humane infirmitati dignatus est consulere ut unusquisque ex rebus sibi concessis in presenti amicos studeat adquirere a quibus in eterna habitacula recipiatur cum ceperit deficere Quamobrem in nomine sancte et individue Trinitatis potenter cuncta regentis ac disponentis notum sit fidelibus cunctis tam presentibus quam secuturis quod ego Ademarus dono Deo et sanctis apostolis ejus Petro et Paulo et ad famosissimum cenobium Cluniacum ubi preest domnus Odilo abba cum multitudine fratrum inibi Deo militancium aliquid de hereditate mea hec est ecclesia que nuncupatur Testorius que sita est in aice Subdionense cum decimis primiciis sepulturis perpetualiter eandem ecclesiam possidendam trado Deo et jam dictis ejus apostolis Dono etiam unum mansum in eadem parrochia quem modo Bertrannus et Albuinus excolunt ob hanc ergo causam istam donacionem facio ut predicta ecclesia decentissime construatur et anima mea vel anime omnium fidelium meorum in eterna beatitudine a Domino recipiantur Si quis vero hanc donacionem calumniare temptaverit iram incurrat almi clavigeri Petri et omnium sanctorum Dei vel quod majus est Domini nostri Jhesu Christi S Ademari qui hanc donacionem fecit et firmare rogavit S Eldeberti vicecomitis S Rotbaldi cognomento Bonuspar S Petroni clerici S Arberti S Isarni Data per manus Iterii levite et monachi anno ab incarnacione Domini millesimo XXII regnante Rodulfo rege anno XXVIII S filiorum Ademari Vuillelmi Stephani abbatis Widonis Pontii Armanni