Charter Document - 02162763
| Charter Number: | 02162763 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1022 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Auctoritas ecclesiastica a majoribus nostris extat instituta ut si quis de rebus suis Deo sive alicui sancto pro elemosina dare voluerit per litterarum testamentum notum faciat posteris Unde ego Girardus dono Deo et sanctis ejus apostolis Petro et Paulo ad locum Cluniacum pro remedio anime mee unum mansum qui est situs in pago Augustodunense in villa Posolias et unum servum nomine Bosonem cum uxore sua et infantibus suis qui in ipso manso habitant et omnibus que ad ipsum mansum pertinent campis scilicet et pratis Et tali conditione ut quamdiu in presenti infirmitate vixero teneam tres partes memorati mansi in mea dictione et quarta pars in vestitura ad presens ad Sanctum Petrum perveniat Dono etiam in villa Bufferias unam vineam que terminat a mane via publica a media die de ipsa hereditate a sero terra Sancti Petri a certio terra Sancti Johannis Et si mortuus fuero inter Ligerim et Sagonam ipsi monachi provideant qualiter apportatus sim usque Cluniacum Et ut firmius permaneat manu propria firmavi testibusque tradidi roborandam S Girardi qui fieri firmarique rogavit S Loce uxoris sue S Arlebaldi S Bernardi S Raculfi S Ugonis S iterum Bernardi S Alberici Actum Materias publice in mense junio die sabbati regnante Rodberto rege anno vicesimo sexto