Charter Document - 02162754
| Charter Number: | 02162754 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1021 - 1022 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Sacrosancto et exorabili loco Cluniensi in honore beatorum apostolorum Petri et Pauli dicato ego in Dei nomine Odelinus pro redemptione anime mee seu et corpusculi mei sepultura dono ad jam dictum locum aliquid de rebus meis hoc est vineam unam cum domo simul tenente in villa Domanga in loco qui Vuarodium dicitur et terminat a mane de ipsa hereditate et a meridie via publica a certio et a sero ab ipsa hereditate Item in villa Agiona campum unum qui vocatur Cumba terminat a mane de ipsa hereditate et a meridie terra Sancti Andree a certio terra Stephani militis a sero via publica Item in villa Canria in loco qui vocatur Grandis Campus campum unum habentem in transversum perticas VII Hanc donationem tali facio ratione ut quamdiu vixero teneam et possideam et post obitum meum monachi Clunienses teneant absque ullo contradicente quesitum et inquirendum in omnibus locis S Otelmi qui hanc donationem fieri et firmare rogavit Actum publice Petronna regnante Rodberto rege anno XXVI