Charter Document - 02162746
| Charter Number: | 02162746 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1020 - 1031 |
| Date type: | Assigned |
| Resource Link(s): |
BnF Département des Manuscrits - NAL 1498 (f12v) CCE: cartae cluniacenses electronicae |
Charter:
Speciale Christi preceptum dilectionem esse nemo quis dubitet [] Ego Walterius archiepiscopus Vesonciensis in Christi nomine notum facio cunctis successoribus meis tam episcopis quam archidiaconibus ac reliquis hujus ecclesie prelatis quia Cluniensis cenobii congregationem speciali nobis familiaritate conjunctam in quantum possumus solaciari congruum ducimus ut ipsorum bonis operibus Deo largiente participemur Plane monachi jam dicti loci supplices adeuntes nostram seniorumque nostrorum canonicorum presentiam humiliter poposcerunt ecclesiastica auctoritate per notationem litterarum concedi sibi altare de ecclesia que sita est in villa Portensi et dedicata in veneratione sancti Stephani Quorum precibus libenti animo prebentes assensum ut eorum nos et successores nostri participes simus bonorum operum concedimus eis predictum altare cum decimis [] obsequiis ad ecclesiam pertinentibus salvo censu eulogiarum atque paratarum qui suo tempore reddendus est Sit autem hec litteralis concessio pro signo socialitatis ut tam vivi quam defuncti vel illorum vel nostri communiter participentur bonis actibus quos per Dei gratiam gesserimus Testes Manegaldus decanus Rotbertus abbas Umbertus Botzo Albricus Oddo archidiaconus Ornadus Durannus Vuitbertus Umbertus Ugo Richardus Vuarnerius Regnante Rodulfo rege