Charter Document - 02162740
| Charter Number: | 02162740 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1020 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Noverit Christi fidelium industria tam futurorum quam presentium qualiter ego Walterius ad conversionem veniens et ad vitam monachicam donavi Deo et sanctis ejus apostolis Petro et Paulo ad monasterium Cluniacum tale allodium quale videbar habere in villa Confranz ex ista parte fluminis Gie situm Consenserunt huic dono fratres mei Willelmus et Hugo et collaudaverunt et fuerunt in donando cooperatores ut mecum etiam divine retributionis mereantur fieri participes Donavi autem ipsum allodium prefato monasterio Cluniaco totum pro ea parte que me contingebat in terris cultis et incultis in bosco in vineis in pascuis [] omnibus ita quemadmodum jure debueram ipse possidere Cujus rei testimonio tractam a fratribus meis supra nominatis W[illelmo] et H[ugone] kartam placuit conscribi et firmavi