Charter Document - 02162737
| Charter Number: | 02162737 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1020 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Divina miseratione provisum est humane fragilitati ut de terrenis et transitoriis celestia mercentur et sine fine mansura Quod ego Willelmus Aquitanorum princeps et dux perpendens enormitatemque meorum peccaminum sedula meditatione revolvens ex his que michi divina munificentia largiri dignata est dono Deo et sanctis ejus apostolis Petro et Paulo ad locum Cluniacum pro salute mea et Agnetis uxoris mee et filiorum meorum Willelmi et Oddonis omniumque parentum et fidelium meorum ut Dominus pro sua pietate intercedentibus sanctis suis concedat nobis veniam omnium delictorum et annumerari dignetur in societate electorum suorum Est autem moneta de Nivort quam dono et de mea potestate in Sancti Petri ditione ac monachorum Cluniensium transfundo ea convenientia ut memoria mei in memorato loco et in omnibus appenditiis ejus perpetualiter teneatur Si quis autem hanc donationem sive ego sive aliquis ex heredibus meis vel successoribus aut quelibet introducta persona frustrari presumpserit omnibus maledictionibus subjaceat et cum diabolo et angelis ejus perpetuales inferni penas luat Donatio autem ista firma et stabilis in eternum maneat S Willelmi qui hanc donationem fecit S Agnetis uxoris ejus S filiorum suprascripti principis Willelmi videlicet et Oddonis