Charter Document - 02162735
| Charter Number: | 02162735 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1020 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Omnibus in commune Christi karactere insignitis clamat tuba evangelice lectionis Facite vobis amicos de Mamona iniquitatis qui vos recipiant in tabernacula eterne beatitudinis Quod ego Raculfus in Dei nomine intenta cordis aure audiens et opere perficere cupiens pro redemptione meorum peccaminum dono Deo et sanctis ejus apostolis Petro et Paulo ad locum Cluniacum aliquid de mea hereditate in pago Matisconense Est autem unus mansus in agro Salorniacense in villa Luviniaco situs in Valeas vocat terminat a mane via publica a medio die terra Petri a sero terra Narduini a cercio terra Sancti Johannis Infra his terminibus dono ut faciant monachi Clunienses quicquid voluerint Dono etiam in Sagonna fluvio contra villam Asnerias situm octo cumbrorum ad pisces capiendos S Raculfi qui istam donationem fecit et firmare rogavit S Ainrici filii ejus clerici S Elisabeth comitise S Duranni presbiteri S alterius Duranni laici S Otgisi S Warnerii S Gundulrici S Rotgerii S Walterii S Ainonis S Rotrudis