Charter Document - 02162718
| Charter Number: | 02162718 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1019 |
| Date type: | Internal, A.D., Calendar, Regnal |
| Resource Link(s): |
TELMA - Traitement électronique des manuscrits et des archives CCE: cartae cluniacenses electronicae |
Charter:
In nomine Dei Patris omnipotentis filiique ejus Jesu Christi Domini nostri Salvatoris et Spiritus Sancti paracliti ab utroque procedentis Notum sit fidelibus cunctis tam presentibus quam futuris quod ego Hugo et uxor mea Arenburgis donamus Deo et sanctis apostolis ejus Petro et Paulo ad locum Cluniacum in quo loco domnus Odilo abbas preesse videtur pro remedio animarum nostrarum omniumque parentum nostrorum omnem hereditatem que nobis per conquestum advenit de Theoderico et de uxore sua et de infantibus suis et de Guandalmaro et de Guntardo filio ejus totum ad integrum damus usque ad inquirendum et est ipsa hereditas in pago Augustidunense in villa Terviaco in agro Vimasono in tali tenore ut seniores loci indominicatum teneant S Hugonis et uxoris ejus qui fieri et firmare rogaverunt S Vuigonis filii ejus S Attonis S Rodulfi S Girbaldi S Adalberti clerici S Daniel S Joceranni Data per manus Richardi levite kalendis augusti anno regnante Rotberto rege XXIIII ab incarnatione Domini nostri Jesu Christi millesimo nono decimo inditione II epacta XII