Charter Document - 02162709
| Charter Number: | 02162709 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1017 |
| Date type: | Internal, A.D., Calendar |
| Resource Link(s): |
CCE: cartae cluniacenses electronicae |
Charter:
In nomine sancte et individue [Trinitatis] Ego Willelmus gratia Dei dux Aquitanorum tractavi de Dei timore et eterna retributione ut michi Dominus pius in ultima die veniam relaxare dignetur Ideo dono ad monasterium Cluniacense quod est in honore beatorum apostolorum Petri et Pauli medietatem censi de piscibus quem debent reddere piscatores qui eos capiunt in insula que nuncupatur Rado vel in mari circa illam Si autem ego aut ullus ex heredibus meis aut aliqua persona intromissa fuerit quod minime credimus qui prefatum censum Deo et sanctorum apostolorum distrahere voluerit in primis iram Dei omnipotentis incurrat et a liminibus sanctorum sit segregatus et cum Datan et Abiron in profundum inferni dimersus jaceat et cum Juda Scari[o]tis qui Dominum tradidit sit dampnatus et insuper sit anathema maranatha Ego Willelmus qui hanc donationem fieri rogavi et manibus meis propriis firmavi et filiis meis Willelmo necnon et Oddoni simulque proceribus meis ad corroborandum tradidi Signum Willelmi comitis S Willelmi filii ejus S Hugonis S Ildeberti S Geraldi S Raimundi S Ingelelmi S Gauzelini Data VI nonas mai civitate Papie revertente duce Willelmo de Roma anno incarnationis Dominice millesimo XVII regnante rege Rotberto Ragimbertus monachus scripsit