Charter Document - 02162692
| Charter Number: | 02162692 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1015 |
| Date type: | Internal |
| Resource Link(s): |
BnF Département des Manuscrits - NAL 1498 (f10v) CCE: cartae cluniacenses electronicae |
Charter:
Dum ego Gausfredus sancte Cabilonensis ecclesie presul in generali conventu canonicorum residerem anno Verbi incarnati millesimo XV nostram adiit presentiam Odilo venerabilis rector humiliter obsecrans ut nostra auctoritate et generali canonicorum assensu perpetuale scriptum Cluniensi cenobio et cunctis fratribus presentibus et futuris facerem ex altare et decimis ecclesie Juliacensi dantes mutua vicissitudine pro tante rei premio ecclesie Sancti Vincentii quandam ecclesiam jure perpetuo possidendam quam eis Josfredus Sinemurensis pro remedio anime sue dederat Jam dicti ergo patris suorumque monachorum petitionibus assensum prebuimus et scriptum perpetuale fecimus ut ab hac die per succedentia secula nullus episcoporum Kavilonensis ecclesie aliquem litem inferat de quibuslibet rebus ad eandem ecclesiam pertinentibus salvo matris ecclesie synodali servicio adnectens terribile excommunicationis vinculum ut quicumque hoc firmamentum pontificalis auctoritatis violare temptaverit iram Omnipotentis incurrat et ab omnium sequestratus societate fidelium consorcium habeat in ponis omnium inmundorum spirituum Testes Gausfredus presul Hugo comes et episcopus Otto comes Frotgerius decanus Joslenus Roclenus Acardus Aldo Rainerius Ansellus Gualo scripsit anno XXVI regnante Rotberto rege