Charter Document - 02162678
| Charter Number: | 02162678 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1010 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Devotis monachis Cluniacensibus nostrisque fidelibus presentibus et futuris notum fieri volumus quod ego Landricus gratia Dei comes semper obtavi monachos tranquillam vitam habere et absque impedimento vota sua Deo persolvere die noctuque Ideoque querelam quandam quam habet quedam nobilis femina nomine Adelaida uxor Gotfredi contra Sanctum Petrum et Cluniacense cenobium ex terra que est sita in pago Augustudunensi in villa que vulgo dicitur Fontinellulas quam dedit frater ejus Antelmus Sancto Petro pro salute patris et matris fratrum et omnium parentum suorum quam terram ego precio trium librarum redimo et si quid predicta mulier in eadem terra rectum habere videbatur inde accipio astipulationem Hec vero sepe dicta mulier cum consilio viri sui Gautfredi dedit Sancto Petro mansum unum in pago Matisconensi in villa que Mons nominatur pro remedio anime sue virique sui ac filiorum animabus et ut stipulatio hec vel donatio firmior habeatur cartam fieri rogavimus manuque propria et manibus fidelium nostrorum manibusque predicte femine virique sui firmare fecimus cum stipulatione subnixa S Landrici comitis et Rainaldi ejus filii S Adeleidis que hanc donationem fecit S Girbaldi filii ejus S Gauzfredi ejus mariti S Rotberti filii sui S Walterii