Charter Document - 02162655
| Charter Number: | 02162655 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1007 - 1031 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Omnis homo quamdiu in salo mundane conversationis sub gravi fasce mole obrutus peccaminum agonizat remedii genus quod ad salutem ipsi prosit necesse est modis omnibus ut expetat Quod genus remedii non aliter adquiritur nisi pie ac juste vivendo et sua si prevalet pauperibus impertiendo juxta Dominicam vocem qua precipit obsecundantibus sibi ut tesaurizent sibi in hoc seculo quod eis expediat in futuro Quapropter noverint tam presentes quam futuri quot ego Gyraldus sacerdos dono loco Cluniaco in honore apostolorum Petri et Pauli consecrato pro remedio anime mee aliquid ex rebus propriis que sunt site in pago Matiscensi in villa Casellaco curtile videlicet unum cum superposito abens in longum perticas XIIII a meridiano fronte VIIII a cercio VI Et in eadem villa vineam unam ab oriente perticas V et pedes II ab occidente perticas V a meridie perticas V ac pedes IIII a septentrione XI perticas et pedes VII Et in alia villa que vocatur Masiliaco dono vineam undique terminatam terra Sancti Petri habentem ab oriente perticas V ab occidente similiter a meridie IIII ab aquilone IIII Ea scilicet ratione ut ab hac die inantea habitatores supradicti loci teneant et possideant res denominatas sine ulla contradicente persona et sine consuetudinario servitio S Giraldi presbiteri qui donacionem istam fecit et firmari rogavit S Otoni comitis S Renaldi filii ejus S Otonis S Gauzeranni S Flotberti S Isimbranni S Raculfi S Acilini S Milonis S Duranni S Clementis S Arnulfi Data per manum Bernardi IIII idus maii regnante Roberto rege